主页 > W点生活 >【支持东奥正名】毋免阁吞忍 体委会前主委杨忠和赞声挺台湾(t

【支持东奥正名】毋免阁吞忍 体委会前主委杨忠和赞声挺台湾(t

2020-06-13 946浏览量
【支持东奥正名】毋免阁吞忍 体委会前主委杨忠和赞声挺台湾(t

年底 ê 九合一地方选举欲到矣,「公投缚大选」确定入案,除了婚姻平权以外,另外有一个重要 ê 议题是欲争取「2020 东京奥运台湾正名」,希望莫阁用「中华台北」这个「龟怪」ê 名义出去比赛。不过,咱大多数台湾人对于这个议题以及伊 ê 背景亦阁无啥知影,所以这次专题专工邀请着体委会前主委杨忠和,欲来向咱逐家分享这个议题背后 ê 前因后果。

【支持东奥正名】毋免阁吞忍 体委会前主委杨忠和赞声挺台湾(t受访者:杨忠和 台北体育学院(台北市立大学 ê 前身)前校长、行政院体育委员会(教育部体育署 ê 前身)前主委

芋传媒记者简翊展採访整理

 

Q:汝对用中华台北作队名参加比赛这件代誌有啥物感受 kah 看法?

A:啥物叫做中华台北,我到这马嘛无了解,伊代表啥物意义我嘛毋知,伊是焉怎来 ê,一手资料咱到担嘛毋捌看过。咱作为一个选手、一个教练,用一个咱根本就毋捌,甚至是生疏 ê 名称去比赛,啥人心肝底会感觉爽快?咱用一个奇怪 ê 名 kah 人比赛,就算讲得真好 ê 成绩,咱『气持ち』敢会好?

 

Q:汝敢捌穿过台湾队 ê 球衫出去参加比赛?

A:其实我是自 1994 年开始 tshuā 队去国外参加比赛,就拢是用中华台北这个名,穿这领球衫去到国外 ê 时阵,人拢足好奇,会问汝讲中华台北是置佗位?in 从来毋捌听过这个名,地图去掀嘛揣无中华台北,汝解释归晡人嘛听无啥有,甚至当作汝是附属于中国 ê 台北,咱就爱解释归晡,人拢听无,尾仔直接讲台湾,人就知影矣!穿中华台北 ê 球衫咱心肝底无爽快,人外国人嘛拢看无。

【支持东奥正名】毋免阁吞忍 体委会前主委杨忠和赞声挺台湾(t

Q:汝感觉用台湾作队名参加国际比赛有啥物优点 kah 好处?

A:咱台湾这个名称是已经几啰百年矣,欧洲、美国 kah 非洲拢知影台湾。头一个好处,用台湾 ê 名出去比赛 tsiah 会使国际化,看着汝 ê 名就知影汝是对佗位来 ê。

第二个好处,国际奥会叫做「IOC」,这六十几年来就是希望咱爱叫「Taiwan」毋通用「ROC」,汝若用「ROC」中华民国,汝 ê 领土包括着中华人民共和国、蒙古以及中亚 ê「Kyrgyzstan」kah「Tajikistan」,所以今仔日咱若硬欲用中华民国,这四个国家一定会来 kah 咱抗议嘛,汝若用中华民国,人「IOC」就未接受矣,变作增加「IOC」ê 困扰,伊无办法 kah 彼四个国家解释嘛,阁来,国际奥会有家己 ê 宪章嘛,第三十条内底就特别焉尔写:汝一个代表队,汝 ê 名称爱有法度反应着地理 ê 名词。所以咱用台湾是理所当然 ê 代誌!

【支持东奥正名】毋免阁吞忍 体委会前主委杨忠和赞声挺台湾(t

Q:汝支持东奥正名台湾 kah 家己本身 ê 国族认同敢有关係?

A:我先分作两个层次来讲,第一个就是一个名 ê 问题,中华台北是啥物货?这是一个真无格 ê 名称,嘛毋捌经过民意 ê 同意,这个名称是啥人决定 ê?是啥物时阵决定 ê?彼时犹是戒严时期,敢有无民意?无嘛!决定这个名称 ê 人,遮 ê 人平均拢百几岁矣,人置天国抑是地狱我是无知,但是拢无置这个世间矣,这个名称实在是诚无道理,恁遮少年 ê 敢愿意予汝根本毋捌看过 ê 人来决定恁 ê 运命?而且 1981 年到担嘛三十外年矣,咱这马敢未使重新来决定咱家己 ê 名?

像我叫做杨忠和,人叫我 ê 名我就会共应,人若乌白叫一声阿狗、阿猫,汝敢欲共应?汝当然未接受嘛,若准讲汝真正予父母号名叫阿狗,汝嘛会使去户政事务所改名嘛!「IOC」嘛无规定讲会员国未使改名 ê 嘛!不管是协议抑是啥物规定拢会使重新参详 ê 嘛,现代社会 kah 这个世界就是民主社会、讲道理 ê 世界嘛!

续来,国族认同 ê 部分,我是毋捌做过调查啦,但是照我看着、拄着 ê 状况看来,会关心正名 ê 人,应该嘛是介关心国族、民族意义 ê 人啦,像我家己就是认同台湾嘛,啊中国本底就毋是咱 ê 嘛、咱嘛毋是伊 ê,像菲律宾 kah 米国我嘛诚甲意,但是咱这马就只有一个台湾尔,咱主权到佗一位就是佗一位嘛!所以我既然徛踮遮,我食遮 ê 米大汉,我就是认同这片土地嘛,我想……佔大多数 ê 台湾人,咱 ê 祖公仔,可能是对广东、对福建来 ê,但是咱这四百年来受着无仝款 ê 殖民者统治,咱 ê 文化 kah 认同嘛已经 kah 遐无相仝矣,已经等于变作一款新 ê 民族矣,咱台湾人真正就是 kah 人无仝嘛!

【支持东奥正名】毋免阁吞忍 体委会前主委杨忠和赞声挺台湾(t

Q:纪政讲假使改名作「ROC」,伊嘛会使接受,汝敢会接受?汝会焉怎看这件代誌?

A:我已经讲过嘛,若是「ROC」就会 kah 四个国家冲突,但是人若愿意共 in 兜 ê 所有权状予汝,汝敢会无爱?但是若「ROC」真正有效,若「ROC」置世界行会通,in 敢会去予联合国踢出来,1980 年代敢会阁予「IOC」要求改名?「ROC」就是已经行未出去矣,「行不通了嘛!」

这个「ROC」若是国际奥会会使接受,我家己欲反对嘛无效嘛,问题现实上就是 kah 太济国家冲突着嘛,「ROC」就已经是行未出去矣嘛,咱台湾爱国际化啦,毋通阁「故步自封」,莫阁家己置骗家己矣。

 

Q:纪政进前讲支持正名 kah 支持台独是无仝款 ê 代誌,请问汝 ê 看法是?

A:事实就是焉尔,正名 kah 台独是两回事啊,台独是爱去联合国申请 tsiah 会使独立嘛,但是汝领土无欲改变,坚持欲中华民国汝嘛是请未入去!『疆域』kah 主权 ê 宣称无改,汝去『IOC』抑是联合国拢嘛未过。啥物叫做台独?中华民国嘛是一种『独』啊,只是讲汝领土无欲改变,进前马英九讲欲『返联公投』,人哪会有可能予汝『返联』,中华人民共和国 kah 蒙古敢会愿意做汝 ê 细汉 ê?今仔日咱只是欲置『IOC』正名,kah 独立完全两回事嘛!

【支持东奥正名】毋免阁吞忍 体委会前主委杨忠和赞声挺台湾(t

Q:通常台湾多数运动员『服从性』较悬,相对就较欠缺『批判性』,汝做为一个运动员为啥物会去思考中华台北这个问题?

A:早期做运动选手 ê 人,拢是出身置经济上相对较弱势 ê 家庭,做选手是为着比赛为着生活 kah 奖金,心思就拢囥置比赛 kah 提牌,教练焉怎讲就焉怎好,提牌变成逐家上要紧 ê 代誌。因为就敢若像『在人屋檐下』,所以相对『服从性』就较悬,较早阁加上是戒严时期,逐家拢毋敢讨论。

我是较早厝内底有讨论,加上大学了后看着中华台北 ê 过程,所以我算是诚早就知影这件代誌,这就置咧骗人嘛,彼时政府阁共选手讲这中华台北是对选手 ê 保障。啊讲实在这个中华台北就 kah 香港仝款矣,咱予人锁入去中国 ê『脉络』矣,这是真『羞辱』ê 一个名称嘛!

 

Q:汝敢认同『体育归体育,政治归政治』?

A:体育是学校体能教育 ê 意思,运动就是运动,毋是体育,体育是 Physical Education、Sports 是运动。咱应该爱讲运动,毋是体育。

啊我认为若是有读册 ê 人,无人会去认同这句话啦!运动 kah 政治本来就是『一体的两面』,汝讲欲焉怎去『切割』这两个物件,『运动归运动,政治归政治』这是『弱势』tsiah 会去讲 ê 话啦,汝今仔日若是一个较『强势』ê 人哪会去讲这啰话,这就未输一个无实力 ê 人去参加比赛,比赛输矣去讲彼句『我志在参加』,彼就是一种足『阿Q』ê 想法嘛,运动 kah 政治是欲焉怎『切割』啦!人较强、较大 ê 国家未去讲这啰话,一寡人口比台湾较少 ê 国家嘛未去讲嘛!

【支持东奥正名】毋免阁吞忍 体委会前主委杨忠和赞声挺台湾(t

Q:有人讲若是公投过矣,嘛无一定真正会使成功正名,参赛权益嘛会受着影响,为啥物汝亦是坚持支持公投?

A:啥物人讲未使?啥物人规定讲未使?假使咱十一月二四公投通过了后,续来就是按照『IOC』规定 ê 『程序』嘛,台湾 ê 奥会就爱去申请,共国际讲咱这个公投、咱两千三百万人决定讲欲改名,去走这个『程序』。当然若欲『IOC』通过,就是爱靠内底一寡挺汝 ê『盟国』嘛,只要有有够大跤 ê 国家欲挺汝,汝这正名就会过嘛!

话讲倒返来,中华台北这个见笑 ê 名,咱这三十七年嘛拢忍矣,咱就公投先予过,上介好就是 2020 咱就正名,万一中间若有啥物状况,咱所有 ê 台湾人就应该阁较团结嘛!作伙用咱 ê 智慧 kah 意志,尾仔咱就一定有法度正名嘛!上介重要就是:敌人是家己,毋是别人啦!毋免遐紧去予人『分化』啦!

有 ê 人刁工放风声讲:咱若正名落去,选手 ê 权益会受着影响,咱 ê 会籍会去予人取消。我想欲问 in 一句,啥物人讲会籍会予人取消?『IOC』佗一条规定讲申请改名就爱取消会籍?敢有这条?无嘛!讲遮 ê 话 ê 人就是一支喙置放嘛!

正名就正名,有啥物影响?咱就拢照规矩来啊!ˊ我嘛毋是讲去开枪抑是拍飞弹啊!咱若是用暴力、非理性焉尔 tsiah 会讲予人『除名』嘛!唯一捌予人『除名』 ê 只有国民党,国民党 1970 年代去予『IOC』『除名』,彼时国际上规定讲爱用『Taiwan』嘛,国民党就硬欲坚持用『ROC』,这就『涵概』着中华人民共和国 kah 蒙古嘛,所以人『IOC』就讲未使,但是国民党就硬欲改啊,进前阁捌拿牌仔置『Olympic』开幕 ê 时顺抗议,后来几届闹到尾仔人就共汝『除名』嘛!

咱今仔日嘛毋是用过去国民党彼套野蛮 ê 步数嘛,我就真正足简单焉尔,欲用『Taiwan』嘛,嘛照 『IOC』ê 规矩,就是改一个名、足单纯 ê 代誌嘛!

【支持东奥正名】毋免阁吞忍 体委会前主委杨忠和赞声挺台湾(t

Q:汝进前讲演 ê 时阵讲过『洛桑协议』可能有『密约』,这个『密约』大概是啥物状况?

A:当初时我是讲我怀疑有『密约』啦!因为彼当阵国民党讲『洛桑协议』了后就未使改名,讲咱若阁改名就会违背着彼,但是彼个内底就无任何一条规定讲未使改名,嘛无讲改名就爱除汝 ê 会籍啊!莫非是另外阁有『密约』嘛?我是焉尔怀疑啦,因为条文内底拢无规定讲未使改名,抑是讲改名就爱开除会籍,完全拢无啊!我就想讲奇怪,既然无条文规定,哪会阁有人出来放话?除非讲阁有『密约』嘛!

 

Q:面对一寡对「中华台北」虽无满意但是会使接受 ê 人,汝敢有啥物话欲向 in 讲?

A:我想是焉尔啦,按统计上看来,一个社会内底当然有各种 ê 看法啦,有 ê 人讲虽然无满意、但是会使接受中华台北,这毕竟是少数人啦,有可能就是像头前咱讲 ê,去受着遐放风声 ê 人 ê 恐吓 kah 影响嘛,所以伊就感觉讲这个改名,徛置选手 ê 立场置想,当作改名会去影响着选手 ê 权益。

我是希望遐放话 ê 人应该爱加读一寡册,揣看有佗一条规定讲改名会害选手 ê 权益受着影响?我认为放话 ê 人道德上有较差,嘛爱去加读一寡册,讲一寡较有详细 ê 话,毋好阁继续置遐恐吓,其实恐吓嘛是愈来愈无效矣,咱台湾人是足巧 ê,台湾人敢遐简单去予 in 欺骗?

所以讲今仔日上介重要就是讲,这个中华台北 ê『前世今生』一寡资料,希望国民党会使提出来,予所有 ê 人来看,一个民主 ê 时代,就是像华语置咧讲 ê『透明化』,讲较白就两字啦,真相!真相爱予咱知影,这 tsiah 是上介重要!汝毋通崁来崁去、恐吓东恐吓西嘛!遐 ê 拢白漆 ê 嘛!

【支持东奥正名】毋免阁吞忍 体委会前主委杨忠和赞声挺台湾(t

最后,杨忠和老师嘛分享家己对中国打压 ê 看法,杨忠和表示讲,其实较早无人置咧拚正名 ê 时阵,咱用中华台北仝款会予中国打压,中国 ê 打压从来毋捌停过,像这次台中『东亚青运』,中国算是东亚奥会 ê 主人,伊决定讲无欲予汝办,蒙古、北韩 kah 香港、澳门替伊拿手,咱就去予取消掉矣,逐家拢无比赛通比矣。咱今仔日拄着压霸 ê 厝边,台湾人应该爱觉悟!但是最主要国际奥会 kah 东亚奥会无仝,东亚多数会员是予中国掌握去,但是『IOC』是全世界 ê,内底是欧洲佔大宗,欧洲各国是文明、民主 ê 民族嘛,进前蔡英文嘛捌透过录影置欧盟议会演讲嘛!『IOC』是欧美置咧岸盘 ê,in 一定是照规矩来 ê,若准讲无欲予咱正名,in 一定会解释理由,无可能因为咱欲正名就共咱 ê 会员资格挽掉,这是无可能 ê 代誌嘛!未像中国遐土匪啦!

(『』内底 ê 词表示是日语、华语 kah 英语,其他汉字 ê 用法阁请逐家多多指教,碌力!)

延伸阅读:

  • 泳将丁妹挺正名:正名不会影响选手参赛

    东奥正名会影响选手参赛?来打破谣言!

    【支持东奥正名】不用再相忍 体委会前主委杨忠和表态挺台湾(华语)【支持东奥正名】彭政闵也要喊他先辈 陈昭安、许维智挺「台湾」出赛《石明谨专栏》东奥正名会影响参赛权益?请用「逻辑」来思考让世界看见台湾 必须正名「台湾队」《芋论》提升台湾国际能见度的战场在体育与经贸《Mattel专栏》中华台北的故事从头说起
  • 上一篇: 下一篇:
    申博太阳城_金沙电子mg|提供及时生活信息|汇集城市资讯|网站地图 sunbetsuncity游戏端 申博官网赌场