尖沙咀搵食新热点 Day to night满足味蕾

作为安排饭局能手，一定要紧贴搵食新场热点，呢个位于尖沙咀山林道嘅全楝式餐饮场地，地利位置就够晒方便，卖点係高层食店饱览尖沙咀靓景，打卡聚会一流。场内仲隐藏有Heart嘅餐饮特色店，由Fine dining欧陆菜、爱心社企亲子餐厅、一站式品茶治癒身心茶疗、极具维多利亚风嘅贵族Afternoon tea tea room、特色鸡煲、串烧海鲜火锅放题、Happy hour于怀旧火车头酒吧畅饮同饱览零死角尖沙咀靓景嘅时尚酒吧等。无论係约闺密、知己好友、亲子餐厅、庆生Gathering还是Happy hour畅饮都有好推介，睇定有咩心水选择先！

text:Dining娜 photo: twotung

1.Nathan House悠闲典雅食高质欧陆Fusion菜

同识饮识食朋友搵饭聚餐厅，一定唔好有闪失，呢间由四季酒店助理总厨主理嘅高质欧陆餐厅就啱晒喇！无论係欧陆午餐、精緻下午茶还是Fine dining晚餐，主厨擅于利用时令靓食材，加入无穷心思设计菜式，例如法式酿鹌鹑极考功夫，用苹果木烟燻鹌鹑两小时，加入切碎大啡菇、伊巴利黑毛猪火腿、乾葱等炒香，酿入流心鹌鹑蛋，再用慢火香煎原只鹌鹑，十分讲究！仲有威灵顿鹿柳同样係精心製作，外层鬆化而鹿柳肉质细嫩，令人好满足！

Nathan House尖沙咀山林道38号银座38地下电话: 2388 8193

2.籽乐厨房 窝心共融家庭饭聚首选

同有家庭朋友们饭聚，气氛十分重要，呢度环境令人有焕然一新嘅感觉，最特别係店主好有爱，为咗宣扬伤健共融讯息，餐厅员工大部分係伤健人士，餐牌仲有点餐手语教学，欢迎同员工们细意沟通，场内仲有小朋友室内及户外玩乐区，加埋大厨巧手西厨菜式，好有意思嘅体验！

籽乐厨房 Sowergift Kitchen尖沙咀山林道38号银座38 3楼电话：2668 0450

3.Victorian Rose Tea Room 宫廷式贵族Afternoon tea

每位女士来到必定疯狂打卡，Tea Room内每个角落瀰漫着优雅古典嘅英伦贵族气息，一踏入店内更有宫廷皇冠、宫廷帽子选择来尽情Selfie打卡，露台位置更加係打卡热点！酒店餐厅级嘅Afternoon tea三层架每款咸甜点同样有质素，全部由店主精心製作，记得提早订位呢！

Victorian Rose Tea Room地址：尖沙咀山林道38号银座38 17楼电话：2789 1999

4. 康和乐 品茶治癒身心

食完高质午餐afternoon tea后，係时候洗涤心灵，用茶疗同做番个千年姜艾灸疗法去为自己调理身心。呢度有驻场中医同你做断诊分析，配合由大学医学教授精製 嘅暖宫茶、鼻敏茶、养胃茶等对症下药，再试埋经络穴位按摩，同埋用老姜艾 灸疗法，简直係叉满电、大放鬆呢！

康和乐地址：尖沙咀山林道38号银座38 16楼电话：2592 6000

5. 吞POT鸡煲火锅・住家菜性价比高滋补螺片花胶鸡煲

区内极少有嘅室外火锅场，望住开扬靓景，份外有食慾！呢度专以特色鸡煲锅底做卖点，包括有滋补螺片花胶鸡煲、吞POT花雕药膳鸡煲同辣酒花螺鸡煲等等，仲有自家製锅料好似自创芝士响铃、手打十全大宝丸、自家製饺子等，一定食唔停口！

吞POT鸡煲火锅·住家菜尖沙咀山林道38号银座38 12楼电话：3109 7301

6. 火车头 Happy Hour欢聚热点

Happy Hour鬆一鬆是常识吧！呢度用怀旧火车做主题，红砖墙设计好有复古风，又可以同朋友玩飞镖、唱卡拉OK、睇波倾计都够happy。最特别係有精心製作嘅佐酒小食，炸鸡、炸鸡翼、牛柳粒同鸡泡鱼乾等，啤一啤，够晒relax！

火车头地址：尖沙咀山林道38号银座38 1楼电话：2668 2028

7. HYC Bar & Lounge天台靓景Chill着饮创意调酒

城市中嘅顶层连天台零死角360度靓景酒吧实属少有，tiffany blue设计十分有品味，试埋唔同款式创意调酒，打打桌球、试试水烟，好chill呀！

HYC Bar & Lounge地址：尖沙咀山林道38号银座38 22楼电话：2572 6388

Nathan Hill

尖沙咀山林道38号银座38