主页 > E最生活 >【扫街王】 西环 友回忆!地胆推介美食

【扫街王】 西环 友回忆!地胆推介美食

2020-06-13 719浏览量
当皇后大道西嘅大牛牛招牌都要同大家讲Bye Bye, 西环 留得住嘅,仲有啲咩?作为曾经喺 西环 返过学、做过旧街坊嘅记者,决定带大家一齐回忆下西环嘅味道。地铁站起咗、舖租又加咗,希望呢啲小店可以坚持到!唉,真係有得食好食喇!

大只烧鸭全脾

一提「波记」,唔少 西环 友都会谂起「鸭髀」!舖头之前开喺山道,以前同同学喺附近嘅自修室温书温得夜,就会去波记食碗鸭髀濑。波记4年前搬咗去皇后大道西新舖,依旧有鸭髀食,鸭髀油份无鹅髀咁多,但价钱平鹅髀一半左右,捞粗麵最饱足!

【扫街王】 西环 友回忆!地胆推介美食
烧鸭髀捞麵 $45

老餮之选鹅髀濑

80蚊一碗烧味粉麵,其实都几贵下,不过俾嘅係烧鹅全髀,而且鹅髀面油令令,咬落去皮脆、鹅油十足,连碗濑粉都充满油花,如果自认係烧鹅迷,又顶得顺啲鹅油,都可以试下。

【扫街王】 西环 友回忆!地胆推介美食
烧鹅全髀濑 $80
【扫街王】 西环 友回忆!地胆推介美食
想食髀就要趁早喇,因为午市都几多人,当中有唔少「髀迷」,好快就卖晒啲脾啦。

波记烧腊粉麵店

地址:西环皇后大道西425号P舖地舖(显示地图)

营业时间:星期一至六 11:30am-10:30pm

新鲜出炉$3.5鲜奶蛋挞

想当年自修室同学仔恩物仲有生命物嘅鲜奶蛋挞!有时温书温到攰,就会过对面买个蛋挞填肚!如果遇着蛋挞啱啱出炉,就会搵埋其他同学仔一齐食!

【扫街王】 西环 友回忆!地胆推介美食
鲜奶蛋挞 $3.5
【扫街王】 西环 友回忆!地胆推介美食
一见出面啲蛋挞就嚟卖晒,师傅就即刻整盘新嘅。

饱足咖喱牛肉包

炸咖喱牛肉包亦都係大热,虽然唔似蛋挞热辣辣咁吸引,仲油油地添,不过学生哥,唔係咁多钱,几蚊一个包,入面有埋充满咖喱香嘅牛肉馅,都已经好满足喇!

【扫街王】 西环 友回忆!地胆推介美食
炸咖喱牛肉包 $6

 

【扫街王】 西环 友回忆!地胆推介美食
打开个炸包,入面有咖喱牛肉同洋葱。
【扫街王】 西环 友回忆!地胆推介美食
原来呢度开咗成三十几年!依家充满烘焙香味嘅麵包店真係愈嚟愈少啦,撑住呀!

生命物

地址:西环石塘咀皇后大道西425号永华大厦地舖(显示地图)

营业时间:星期一至日 07:00am-00:00am

电话:2547 4826

消暑芒果西米露

呢间士多主要係卖报纸同埋新鲜生果,但由于山道上有中小学,下有图书馆,老闆见啲学生每日大汗叠细汗行上行落,于是就入下啲消暑饮品,俾啲学生哥解下渴。可惜此情未必能再,因为舖租关係,店舖去到8月20号就结束,呢份人情味都係难敌贵租,成为回忆。

【扫街王】 西环 友回忆!地胆推介美食
芒果西米露 $12 饮前摇匀,入面有粒粒芒果,芒果味浓。
【扫街王】 西环 友回忆!地胆推介美食
马蹄绿豆爽 $12 充满绿豆香,内有马蹄碎,有咬口。
【扫街王】 西环 友回忆!地胆推介美食
特浓咖啡 $12 咖啡味浓,不太甜。

家常鲜果

地址:西环石塘咀山道51号(显示地图)

即叫即炸盐酥鸡翼

除咗经营多年嘅旧式小店之外,西环亦有新式嘅小食店,好似呢间鱼蛋妈妈,开店唔够一年,就俾西环友劲推,吸引佢地嘅,就係呢味盐酥鸡翼,鸡翼开半炸香,即叫即炸,虽然卖相无咁有睇头,但一枝枝骨就咁食都几方便!

【扫街王】 西环 友回忆!地胆推介美食
落单即炸需时约4分钟。
【扫街王】 西环 友回忆!地胆推介美食
炸好之后,师傅就落孜然粉同辣粉喺鸡翼上面。
【扫街王】 西环 友回忆!地胆推介美食
盐酥鸡翼 $15/细份(5枝骨) $20/大份(8枝骨) 外皮好脆好香,都几辣,食完易口渴,怕辣记得叫师傅落少啲辣粉啦!
【扫街王】 西环 友回忆!地胆推介美食
瑞士鸡翼 $4/只唔想咁邪恶可以拣瑞士鸡翼,鸡翼酱油味浓,带有甜味。
【扫街王】 西环 友回忆!地胆推介美食
咖喱三宝(鱼蛋+猪皮+萝蔔) $1515蚊嚟讲,算係几大份,咖喱味唔太浓,但辣味几出。
【扫街王】 西环 友回忆!地胆推介美食
柠檬薏米水 $14 (跟小食价 $10) 西环友最兴食盐酥鸡翼,然后饮薏米水,感觉好似无咁热气。(好似係)

鱼蛋妈妈

地址:香港石塘咀德辅道西343号均益大厦二期地下46A号舗(显示地图)

营业时间:11:00am-08:00pm(逢星期三休息)

网页

同场加映 肉香四溢阿根廷牛柳

介绍咗咁多街坊小店,其实依家西环食肆都有唔少新力军加入。两年前喺西贡开业嘅Casa,2015年7月就搬咗嚟西环开分店,食物方面,有中环Soho区嘅水準,但价钱就平过Soho区,应该都会吸引一班锺意试新野嘅街坊帮衬。

【扫街王】 西环 友回忆!地胆推介美食
餐厅喺地下,要由门口行楼梯落去,行到落去灯光比较暗,加有种似去咗backstage咁嘅感觉。
【扫街王】 西环 友回忆!地胆推介美食
阿根廷牛柳配辣椒蛋黄酱 $100 牛柳放于铁板上煎香,预设五成熟,只落黑胡椒碎调味,肉味香浓。
【扫街王】 西环 友回忆!地胆推介美食
德克萨斯风格拉猪肉迷你汉堡 $70猪肉预先经烤製过,再放上铁板上炒香,加入沙律菜及芝士製成汉堡。食落烧烤味好浓,劲juicy,好易食到成手都係汁。

 

【扫街王】 西环 友回忆!地胆推介美食
Homemade Cola $30自家製可乐,以14种秘密材料煮成糖浆,加入梳打水,饮落唔似可乐,反而係有有好香肉桂味。

 

【扫街王】 西环 友回忆!地胆推介美食

Casa

地址:西环石塘咀和合街18号C地舖(显示地图)

营业时间:12:00pm-00:00am

上一篇: 下一篇:
申博太阳城_金沙电子mg|提供及时生活信息|汇集城市资讯|网站地图 申博官网备用网址_线上国际真人 申博官网备用网址_诚信在线5858会员查账